ஊழல் குற்றச்சாட்டு தொடர்பில் தற்போதைய அரசாங்கத்தின் முன்னாள் அமைச்சர் குமார ஜயக்கொடிக்கு எதிராக இலஞ்சம் அல்லது ஊழல் குற்றச்சாட்டுகளை விசாரணை செய்யும் ஆணைக்குழுவினால் தாக்கல் செய்யப்பட்டுள்ள வழக்கை மேலதிக சாட்சிய விசாரணைக்காக நவம்பர் 03ஆம் திகதி அழைக்குமாறு கொழும்பு மேல் நீதிமன்றம் உத்தரவிட்டுள்ளது.
இந்த வழக்கு இன்று (05) கொழும்பு மேல் நீதிமன்ற நீதிபதி ரஷாந்த கொடவெல முன்னிலையில் விசாரணைக்கு எடுத்துக்கொள்ளப்பட்டது.
இதன்போது சாட்சியங்கள் பதிவு செய்யப்பட்டதுடன், மேலதிக சாட்சிய விசாரணையை நவம்பர் 03ஆம் திகதி வரை ஒத்திவைக்க நீதிமன்றம் உத்தரவிட்டதாக நீதிமன்ற செய்தியாளர் தெரிவித்தார்.
