சீதுவ பொலிஸ் பிரிவுக்குட்பட்ட மீகமுவ வீதி பகுதியில் மசாஜ் நிலையம் என்ற பெயரில் நடத்தப்பட்டதாக கூறப்படும் விபச்சார விடுதி ஒன்று சுற்றிவளைக்கப்பட்டு, சந்தேகநபர் ஒருவரும் நான்கு பெண்களும் கைது செய்யப்பட்டுள்ளனர்.
சீதுவ பொலிஸ் நிலைய அதிகாரிகளுக்கு கிடைத்த தகவலின் அடிப்படையில், 2026 ஜூலை 19 ஆம் திகதி இரவு இந்த சுற்றிவளைப்பு மேற்கொள்ளப்பட்டுள்ளது.
விபச்சார விடுதியை நிர்வகித்ததாக சந்தேகிக்கப்படும் நபர் ஒருவர் கைது செய்யப்பட்டுள்ளதுடன், விபச்சார நடவடிக்கைகளில் ஈடுபடுவதற்காக அங்கு தங்கியிருந்ததாக கூறப்படும் நான்கு பெண்களும் கைது செய்யப்பட்டுள்ளனர்.
கைது செய்யப்பட்ட சந்தேகநபர் 40 வயதுடைய ஹந்துந்தாவ பகுதியைச் சேர்ந்தவர் என பொலிஸார் தெரிவித்துள்ளனர்.
கைது செய்யப்பட்ட பெண்கள் 22 முதல் 30 வயதுக்குட்பட்டவர்கள் எனவும், அவர்கள் கொஸ்கம, மாத்தளை, குருநாகல் மற்றும் அம்பகமுவ பகுதிகளைச் சேர்ந்தவர்கள் எனவும் தெரிவிக்கப்பட்டுள்ளது.
சம்பவம் தொடர்பான மேலதிக விசாரணைகளை சீதுவ பொலிஸார் முன்னெடுத்து வருகின்றனர்.
