பெல்லன்வில ராஜமகா விகாரையின் எசல மகா பெரஹராவை முன்னிட்டு ஆகஸ்ட் 13, 14 மற்றும் 15ஆம் திகதிகளில் பொரலஸ்கமுவ பொலிஸ் பிரிவிற்குட்பட்ட பல வீதிகளில் போக்குவரத்து கட்டுப்பாடுகள் அமுல்படுத்தப்படவுள்ளதாக பொலிஸ் ஊடகப் பிரிவு தெரிவித்துள்ளது.
ஆகஸ்ட் 13 – பாவாட பெரஹரா
பாவாட பெரஹெரா ஆகஸ்ட் 13ஆம் திகதி காலை 7.00 மணிக்கு ஆரம்பமாகி காலை 10.00 மணியளவில் நிறைவடையவுள்ளது.
இந்த காலப்பகுதியில் பொரலஸ்கமுவ சந்தியிலிருந்து பெல்லந்தர சந்தி வரையிலான 119 மகரகம–தெஹிவளை பேருந்து வழித்தடத்தில் போக்குவரத்து கட்டுப்படுத்தப்படும்.
மகரகம மற்றும் பிலியந்தலையிலிருந்து தெஹிவளை நோக்கி பயணிக்கும் வாகனங்கள் பபிலியான சந்தியை அடைந்து, ஸ்பார் சுற்றுவட்டம் ஊடாக பெல்லந்தர நோக்கி இடதுபுறம் திரும்பி, நெடிமல ஊடாக தெஹிவளையை சென்றடையலாம்.
வெரஹெர சந்தியிலிருந்து பொரலஸ்கமுவ மற்றும் காலி வீதி நோக்கி பயணிக்கும் வாகனங்கள் கங்காராம வீதி ஊடாக கொலுமடம சந்தியை அடைந்து காலி வீதியை அணுகலாம்.
ஆகஸ்ட் 14 – ரன்சீவலி பெரஹரா
ரன்சீவலி பெரஹரா ஆகஸ்ட் 14ஆம் திகதி இரவு 8.00 மணிக்கு ஆரம்பமாகி, ஆகஸ்ட் 15ஆம் திகதி அதிகாலை 2.00 மணியளவில் நிறைவடையவுள்ளது.
இந்த காலப்பகுதியில் பொரலஸ்கமுவ சந்தியிலிருந்து பெல்லந்தர சந்தி வரையிலான 119 பேருந்து வழித்தடத்தில் போக்குவரத்து கட்டுப்படுத்தப்படும்.
தெஹிவளையிலிருந்து மகரகம நோக்கி பயணிக்கும் வாகனங்கள் பெல்லந்தர சந்தியில் இடதுபுறம் திரும்பி, 117ஆம் வழித்தடம் ஊடாக பபிலியான சந்தியை அடைந்து, அங்கிருந்து வலதுபுறம் திரும்பி பொரலஸ்கமுவ சந்தி நோக்கி செல்லலாம்.
கனரக வாகனங்களுக்கு பல மாற்று வீதிகளையும் பொலிஸார் அறிவித்துள்ளனர்.
ஆகஸ்ட் 15 – ரந்தோலி மகா பெரஹரா
ரந்தோலி மகா பெரஹரா ஆகஸ்ட் 15ஆம் திகதி இரவு 8.00 மணிக்கு ஆரம்பமாகி, ஆகஸ்ட் 16ஆம் திகதி அதிகாலை 4.00 மணியளவில் நிறைவடையவுள்ளது.
இந்த காலப்பகுதியில் பொரலஸ்கமுவ சந்தி, பெல்லந்தர சந்தி, நெடிமல சந்தி மற்றும் 117ஆம் வழித்தடத்தில் அத்திடிய பொலிஸ் பயிற்சிக் கல்லூரி சந்தியிலிருந்து பபிலியான சந்தி வரையிலான பகுதியில் போக்குவரத்து கட்டுப்படுத்தப்படும்.
மகரகம மற்றும் பிலியந்தலையிலிருந்து தெஹிவளை நோக்கி பயணிக்கும் வாகனங்கள் கொஹுவல சந்தியை அடைந்து இடதுபுறம் திரும்பி, கொஹுவல–களுபோவில வீதி ஊடாக தெஹிவளையை அடைந்து காலி வீதிக்கு செல்லலாம்.
மவுண்ட் லவீனியா மற்றும் இரத்மலானையிலிருந்து மகரகம மற்றும் பொரலஸ்கமுவ நோக்கி பயணிக்கும் வாகனங்கள் அத்திடிய பேக்கரி சந்தியில் இடதுபுறம் திரும்பி காலி வீதி ஊடாக கொஹுவலவை அடைந்து, தெஹிவளை வில்லியம் கிரைண்டிங் மில்ஸ் அருகே வலதுபுறம் திரும்பி பயணிக்கலாம்.
தெஹிவளையிலிருந்து பபிலியான நோக்கி பயணிக்கும் வாகனங்கள் நெடிமல சந்தியிலிருந்து அன்ட்ரூஸ் வீதி ஊடாக கொஹுவல சந்தியை அடைந்து கொழும்பு, பொரலஸ்கமுவ அல்லது நுகேகொட நோக்கி செல்லலாம்.
குறித்த காலப்பகுதிகளில் அறிவிக்கப்பட்டுள்ள போக்குவரத்து ஏற்பாடுகளுக்கு ஒத்துழைத்து, மாற்று வீதிகளை பயன்படுத்துமாறு பொதுமக்களிடம் பொலிஸார் கோரிக்கை விடுத்துள்ளனர்.
