நுகர்வோர் விவகார அதிகாரசபை (CAA), இந்த ஆண்டு ஜூலை மற்றும் ஒக்டோபர் மாதங்களில் நாடளாவிய ரீதியில் மேற்கொண்ட 182 சுற்றிவளைப்புகளின்போது, SLS சான்றிதழ் குறியீடு இல்லாத 758 இற்கும் மேற்பட்ட மோட்டார் சைக்கிள் பாதுகாப்புத் தலைக்கவசங்களைப் பறிமுதல் செய்துள்ளது.
ஒக்டோபர் 6ஆம் திகதி ஆரம்பிக்கப்பட்ட அண்மைய நடவடிக்கையின்போது, 21 மாவட்டங்களை உள்ளடக்கிய வகையில் 84 சுற்றிவளைப்புகள் மேற்கொள்ளப்பட்டுள்ளன. இதன்போது, SLS சான்றிதழ் குறியீடு இல்லாத 327 தலைக்கவசங்கள் பறிமுதல் செய்யப்பட்டுள்ளன.
பாதுகாப்புத் தலைக்கவசங்களுக்கான தேவைகளை வரையறுக்கும் SLS 517 தரநிலைக்கு இணங்காத மோட்டார் சைக்கிள் தலைக்கவசங்களைக் கண்டறிவதையே இந்தச் சுற்றிவளைப்புகள் நோக்கமாகக் கொண்டிருந்தன.
