විවාහක පුරුෂයන් අතර මෑතකදී ලිංගික පසුබැසීමේ ප්රවණතාවක් වැඩි වශයෙන් දක්නට ලැබෙන බවත්, එය පවුල් ජීවිතයට සහ අන්යෝන්ය සබඳතාවලට බලපෑම් එල්ල කර ඇති බවත් මනෝවිද්යාත්මක උපදේශකයන් උපුටා දක්වමින් ඉංග්රීසි ජාතික පුවත්පතක් වාර්තා කර තිබෙනවා.
නවීන ජීවන රටාවේ පවතින දැඩි මානසික ආතතිය, ආර්ථික පීඩනය, අධික කාර්යබහුලත්වය මෙන්ම තාක්ෂණයට අධික ලෙස ඇබ්බැහි වීම වැනි කරුණු මෙම තත්ත්වයට ප්රධාන වශයෙන් බලපා ඇති බව අදාළ විශේෂඥයන් පෙන්වා දී ඇති බව එම වාර්තාවේ සඳහන්.
මෙම තත්ත්වය සම්බන්ධයෙන් නිසි අවධානය යොමු නොකළහොත් එය දිගුකාලීන පවුල් ගැටලු සහ බිඳ වැටීම් දක්වා වර්ධනය විය හැකි බැවින්, යුවළයන් අතර විවෘත සංවාද පවත්වා ගැනීම සහ අවශ්ය අවස්ථාවලදී වෘත්තීය උපදෙස් ලබා ගැනීම වැදගත් බවද විශේෂඥයන් අවධාරණය කර ඇති බව වාර්තාවේ දැක්වෙනවා.
කෙසේ වෙතත්, අදාළ පුවත් වාර්තාවේ සඳහන් මනෝවිද්යාත්මක උපදේශකයන් කවුරුන්ද යන්න හෝ එම කරුණු සඳහා පාදක වූ කිසියම් සමීක්ෂණයක මූලාශ්රයක් පිළිබඳව සඳහනක් කර නොමැති බවද වාර්තා වෙනවා.
