නිටේෂ් තිවාරි අධ්යක්ෂණය කරන දැවැන්ත 'රාමායණ' සිනමාපටයේ ප්රචාරක පටය එළිදැක්වීමේ පූර්ව උත්සවයේදී, සීතා දේවියගේ චරිතය නිරූපණය කිරීම පිළිබඳව ජනප්රිය රංගන ශිල්පිනී සායි පල්ලවී දැක්වූ අදහස් අන්තර්ජාලයේ දැඩි අවධානයට ලක්ව තිබේ.
නවදිල්ලියේ භාරත් මණ්ඩපම් හි පැවති මෙම උත්සවයට රන්බීර් කපූර්, සායි පල්ලවී, යෂ් ඇතුළු ප්රධාන නළු නිළියන් රැසක් සහභාගී වූහ.
සිය අදහස් පළ කළ සායි පල්ලවී සඳහන් කළේ, දෙවඟනකගේ චරිතයක් නිරූපණය කිරීම පහසු කාර්යයක් නොවන බවත්, සීතා දේවියගේ චරිතය තමන්ට හිමිවීම තමා තෝරාගත් දෙයකට වඩා ලැබුණු ආශීර්වාදයක් ලෙස සලකන බවත්ය.
එම චරිතයට සූදානම් වීමට පෙර භාවනා කරමින් සීතා දේවියගේ ආත්මීය ආශීර්වාදය ප්රාර්ථනා කළ බවද ඇය පැවසුවාය.
කොටස් දෙකකින් නිර්මාණය වන මෙම සිනමාපටයේ පළමු කොටස 2026 නොවැම්බර් 8 වැනිදා දීපාවලි උත්සවය නිමිත්තෙන් තිරගත කිරීමට නියමිත අතර, එහි නිල ප්රචාරක පටය ජූලි 24 වැනිදා එළිදැක්වීමට නියමිතය.