ජාතික නිවාස සංවර්ධන අධිකාරියේ (NHDA) සාමාන්යාධිකාරීවරයා වැටුප් සහිත අනිවාර්ය නිවාඩු යවා තිබේ.
NHDA සභාපති ජේ.කේ.ඒ. සිරිනාථ විසින් නිකුත් කළ ලිඛිත නිවේදනයකට අනුව, අනිවාර්ය නිවාඩු කාලය තුළ සාමාන්යාධිකාරීවරයාට එම අධිකාරියේ කිසිදු කාර්යාලයකට හෝ සේවා ස්ථානයකට ඇතුළු වීම තහනම් කර ඇත.
එසේම, සභාපතිවරයාගේ පූර්ව අනුමැතියකින් තොරව විදේශගත නොවන ලෙසට ද ඔහුට උපදෙස් ලබාදී තිබේ.
ආයතන සංග්රහය සහ NHDA විනය නීතිරීති උල්ලංඝනය කරමින් සාමාන්යාධිකාරීවරයා විසින් සිදුකරන ලදැයි කියන බරපතල අක්රමිකතා කිහිපයක් පිළිබඳ මූලික තොරතුරු අනාවරණය වීමෙන් අනතුරුව මෙම තීරණය ගෙන ඇති බව එම නිවේදනයේ සඳහන් වේ.
එම චෝදනා සනාථ වුවහොත් සාමාන්යාධිකාරීවරයාට එරෙහිව නීතිමය පියවර ගන්නා බව NHDA සභාපති ජේ.කේ.ඒ. සිරිනාථ පැවසීය.
