‘ජනවරමේ පුරවැසියෝ’ සංවිධානය විසින් සංවිධානය කරන ලද විරෝධතාවක් අද (17) කොළඹ ජනාධිපති ලේකම් කාර්යාලය ඉදිරිපිටදී පැවැත්විණි.
‘දූෂිතයන්ට දඬුවම් කිරීමේ කුමන්ත්‍රණ පරාජය කරමු’ යන තේමාව යටතේ පැවති මෙම විරෝධතාවයේදී, දූෂණ චෝදනා එල්ල වී ඇති පුද්ගලයන්ට එරෙහිව නීතිමය ක්‍රියාමාර්ග ගැනීම වැළැක්වීමට දරන බව කියන උත්සාහයන් විරෝධතාකරුවන්ගේ දැඩි විවේචනයට ලක්විය.
විරෝධතාකරුවන් මුලින් කොළඹ කොටුව ප්‍රදේශයේ රැස්වීමෙන් අනතුරුව, ගාලු මුවදොර දෙසට පාගමනින් ගොස් ජනාධිපති ලේකම් කාර්යාලය ඉදිරිපිටදී විරෝධතාවයේ නිරත වූහ.
