දේශීය ටින් මාළු සඳහා නව මිලක්

දේශීයව නිෂ්පාදනය කරන ටින් මාළු සඳහා නව උපරිම සිල්ලර මිල ගණන් නියම කරමින් ගැසට් නිවේදනයක් නිකුත් කර තිබේ.

ඒ අනුව, ටූනා සහ ජැක් මැකරල් ඇතුළු ටින් මාළු වර්ග සඳහා උපරිම සිල්ලර මිල ගණන් නියම කර ඇත.

ග්‍රෑම් 155ක ශුද්ධ බරක් සහ ග්‍රෑම් 105ක් හෝ ඊට වැඩි ද්‍රව රහිත බරක් සහිත සැකසූ ටින් ටූනා මාළුවක් සඳහා උපරිම සිල්ලර මිල රුපියල් 220ක් ලෙස නියම කර තිබේ. ග්‍රෑම් 425ක බරින් යුත් සහ ග්‍රෑම් 280ක් හෝ ඊට වැඩි ද්‍රව රහිත බරක් සහිත ටින් ටූනා මාළුවක් සඳහා මිල රුපියල් 510ක් ලෙස නියම කර ඇත.

එමෙන්ම, ග්‍රෑම් 155ක ශුද්ධ බරක් සහ ග්‍රෑම් 105ක් හෝ ඊට වැඩි ද්‍රව රහිත බරක් සහිත ටින් ජැක් මැකරල් මාළුවක් සඳහා උපරිම සිල්ලර මිල රුපියල් 260ක් වන අතර, ග්‍රෑම් 425ක ටින් එකක මිල රුපියල් 600ක් ලෙස නියම කර තිබේ.

අදාළ ටින් මාළු වර්ග නියම කර ඇති මිලට වඩා වැඩි මිලකට අලෙවි කිරීම, අලෙවිය සඳහා ඉදිරිපත් කිරීම හෝ ප්‍රදර්ශනය කිරීම නොකළ යුතු බව පාරිභෝගික කටයුතු අධිකාරිය සඳහන් කරයි.