කටුනායක බණ්ඩාරනායක ජාත්යන්තර ගුවන්තොටුපළේ සෞඛ්ය කාර්යාලයට අනුයුක්තව සේවය කළ මහජන සෞඛ්ය පරීක්ෂකවරයකුගේ ස්ථාන මාරුවකට විරෝධය පළකරමින් දිවයින පුරා මහජන සෞඛ්ය පරීක්ෂකවරුන් අද (21) සංකේතාත්මක ලෙඩ නිවාඩු වාර්තා කිරීමේ වෘත්තීය සමිති ක්රියාමාර්ගයක නිරත වෙති.
මහජන සෞඛ්ය පරීක්ෂකවරුන්ගේ සංගමය චෝදනා කරන්නේ කටුනායක ගුවන්තොටුපළ සෞඛ්ය කාර්යාලයේ සිදුවන බව කියන නීතිවිරෝධී ක්රියාවලට එරෙහිව විරෝධය පළකිරීම හේතුවෙන් බී.එච්. මීගස්දෙනිය නම් මහජන සෞඛ්ය පරීක්ෂකවරයා මෙලෙස ස්ථාන මාරු කර ඇති බවයි.
එම සංගමය පවසන්නේ කටුනායක ගුවන්තොටුපළ සෞඛ්ය කාර්යාලය මඟින් වසර ගණනාවක් තිස්සේ විවිධ පරීක්ෂණ සිදුකරන අතර, එහි සිදුවන බව කියන දූෂණ, අක්රමිකතා සහ මහජන මුදල් අවභාවිත කිරීම් සම්බන්ධයෙන් බලධාරීන් කිහිප අවස්ථාවකදීම දැනුවත් කළ බවයි.
මේ සම්බන්ධයෙන් අවසන් වරට 2026 ජූලි 12 වැනිදා PHIU/Sec/2026/42 දරන ලිපිය මඟින්ද පැමිණිල්ලක් ඉදිරිපත් කර ඇති බව සංගමය සඳහන් කරයි.
කෙසේ වෙතත්, අදාළ චෝදනා පිළිබඳව නිරන්තරයෙන් දැනුවත් කළද මේ දක්වා කිසිදු පරීක්ෂණයක් පවත්වා නොමැති බවට මහජන සෞඛ්ය පරීක්ෂකවරුන්ගේ සංගමය කනස්සල්ල පළකරයි.
මීගස්දෙනිය මහතාගේ ස්ථාන මාරුව අවලංගු කිරීම සහ සංගමය විසින් පෙන්වා දී ඇති අක්රමිකතා සම්බන්ධයෙන් වහාම පරීක්ෂණයක් පවත්වන ලෙස බලකරමින් මෙම සංකේතාත්මක වෘත්තීය සමිති ක්රියාමාර්ගය ආරම්භ කර තිබේ.
