හිටපු කැබිනට් අමාත්යවරයෙකු සහ මොණරාගල දිස්ත්රික් පාර්ලිමේන්තු මන්ත්රීවරයෙකු වූ ජගත් පුෂ්පකුමාර මහතාගේ බිරිඳ හදිසි අනතුරකින් ජීවිතක්ෂයට පත්ව තිබේ.
මියගොස් ඇත්තේ 55 හැවිරිදි දෙදරු මවක් වන දේශානි ගුණරත්න මහත්මියයි.
ඔවුන්ට අයත් අලුතින් ඉදිකරමින් පවතින ගොඩනැගිල්ලක දෙවන මහලෙන් බිමට වැටීමෙන් මෙම අනතුර සිදුව ඇති බව වාර්තා වේ.
අනතුරින් පසුව ඇය කරාපිටිය රෝහලට ඇතුළත් කර ප්රතිකාර ලබමින් සිට ඇති අතර, අද (19) උදෑසන මියගොස් තිබේ.
මියගිය කාන්තාවගේ දේහය තණමල්විල පිහිටි ඔවුන්ගේ නිවස වෙත රැගෙන යාමට නියමිත බව වාර්තා වේ.
