මුලංකාවිල් ප්රදේශයේ බැංකුවකට මුදල් තැන්පත් කිරීමට පැමිණි පුද්ගලයන් දෙදෙනෙකු ව්යාජ රුපියල් 5,000 මුදල් නෝට්ටු දෙකක් සන්තකයේ තබාගෙන සිටීම සම්බන්ධයෙන් අත්අඩංගුවට ගෙන තිබේ.
2026 අගෝස්තු 8 වැනිදා දහවල් මුලංකාවිල් පොලිස් වසමේ පිහිටි බැංකුවකට මුදල් තැන්පත් කිරීම සඳහා පැමිණි අවස්ථාවේදී සැකකරුවන් දෙදෙනා මුලංකාවිල් පොලිස් ස්ථානයේ නිලධාරීන් විසින් අත්අඩංගුවට ගෙන ඇත.
අත්අඩංගුවට ගත් සැකකරුවන් වයස අවුරුදු 26 සහ 61 වන පුනරීන් සහ නච්චිකුඩා ප්රදේශවල පදිංචිකරුවන් බව පොලිසිය සඳහන් කරයි.
සැකකරුවන් සන්තකයේ තිබී ව්යාජ රුපියල් 5,000 මුදල් නෝට්ටු දෙකක් සොයාගෙන ඇත.
සැකකරුවන් 2026 අගෝස්තු 9 වැනිදා කිළිනොච්චිය මහේස්ත්රාත් අධිකරණයට ඉදිරිපත් කිරීමට නියමිතය.
සිද්ධිය සම්බන්ධයෙන් මුලංකාවිල් පොලිසිය වැඩිදුර විමර්ශන සිදුකරයි.
