අයහපත් කාලගුණික තත්ත්වය හේතුවෙන් තාවකාලිකව අත්හිටුවා තිබූ පේරාදෙණිය විශ්වවිද්යාලයේ සියලු අධ්යයන කටයුතු 2026 අගෝස්තු මස 10 වන සඳුදා සිට යළි ආරම්භ කරන බව විශ්වවිද්යාලය නිවේදනය කරයි.
ඒ අනුව, විශ්වවිද්යාල නේවාසිකාගාරවල නේවාසික සිසුන්ට 2026 අගෝස්තු මස 9 වන ඉරිදා සිට නැවත නේවාසිකාගාර වෙත පැමිණීමට අවසර ලබා දී ඇත.
පසුගිය දිනවල පැවති අයහපත් කාලගුණික තත්ත්වය හමුවේ විශ්වවිද්යාලය ගත් තීරණවලට සහයෝගය ලබාදුන් සිසුන්, කාර්ය මණ්ඩලය සහ දෙමාපියන් වෙත විශ්වවිද්යාල පාලනාධිකාරිය සිය ස්තූතිය පළ කර තිබේ.
අගෝස්තු 10 වන දින සිට අධ්යයන කටයුතු සාමාන්ය පරිදි සහ ආරක්ෂිතව පවත්වාගෙන යාම සඳහා අවශ්ය සියලු කටයුතු සූදානම් කර ඇති බවද උපකුලපතිවරයා සඳහන් කර ඇත.
