වලාන මධ්යම දූෂණ මර්දන ප්රහාරක ඒකකය සහ මාරවිල පොලිසිය සිදු කළ වෙනම වැටලීම් දෙකකදී නීතිවිරෝධී මත්පැන් තොග සමඟ සැකකරුවන් දෙදෙනෙකු අත්අඩංගුවට ගෙන තිබේ.
වලාන මධ්යම දූෂණ මර්දන ප්රහාරක ඒකකයේ නිලධාරීන් 2026 අගෝස්තු 6 වැනිදා සවස පිංවත්ත පොලිස් වසමේ පැරඩයිස් වත්ත ප්රදේශයේ සිදු කළ වැටලීමකදී නීතිවිරෝධී මත්පැන් ලීටර් 75ක් (බෝතල් 100ක්) සමඟ 43 හැවිරිදි වාද්දූව ප්රදේශයේ පදිංචිකරුවෙකු අත්අඩංගුවට ගෙන පිංවත්ත පොලිසිය වෙත භාරදී ඇත.
එදිනම උදෑසන මාරවිල පොලිසිය නාත්තන්ඩිය ප්රදේශයේ සිදු කළ වැටලීමකදී නීතිවිරෝධී මත්පැන් ලීටර් 75ක් (බෝතල් 100ක්) සහ මත්පැන් පෙරීමට යොදාගන්නා ගෝඩා ලීටර් 1,215ක් (බැරල් 6ක්) සමඟ 30 හැවිරිදි කටුනේරිය ප්රදේශයේ පදිංචිකරුවෙකු අත්අඩංගුවට ගෙන ඇත.
සිද්ධීන් දෙක සම්බන්ධයෙන් පිංවත්ත සහ මාරවිල පොලිසි වැඩිදුර විමර්ශන සිදු කරයි.
