කල්මුණ පොලිස් වසමේ තාලවට්ටුවාන ප්රදේශයේදී සිදුවූ රිය අනතුරකින් කැබ් රථ රියැදුරෙකු මියගොස් තිබේ.
2026.08. දින සවස මඩකලපුව – කල්මුණ මාර්ගයේ කල්මුණ දෙසට ධාවනය වූ කැබ් රථයක් රියැදුරුට පාලනය කරගත නොහැකිව මාර්ගයෙන් ඉවතට පැන ලොතරැයි අලෙවි කුටියක සහ වෙළඳසැලක නාම පුවරුවක් සවිකර තිබූ යකඩ කණුවක ගැටී මෙම අනතුර සිදුව ඇත.
අනතුරින් බරපතළ තුවාල ලැබූ රියැදුරු කල්මුණ රෝහලට ඇතුළත් කරන අවස්ථාව වන විටත් මියගොස් සිටි බව පොලිසිය සඳහන් කළේය.
මියගිය පුද්ගලයා වයස අවුරුදු 39ක් වන පොළොන්නරුව ප්රදේශයේ පදිංචිකරුවෙකි.
අනතුරින් ලොතරැයි අලෙවි කුටියේ සිටි පුද්ගලයෙකු ද තුවාල ලබා ඇති අතර, ඔහු ප්රතිකාර සඳහා කල්මුණ රෝහලට ඇතුළත් කර තිබේ.
සිද්ධිය සම්බන්ධයෙන් කල්මුණ පොලිසිය වැඩිදුර විමර්ශන සිදුකරයි.
