කෑගල්ල රන්දෙණිය ප්රදේශයේ සිටිමින් පෙර "වරකාගොඩ අලියා" ලෙස ප්රසිද්ධියට පත් වූ "රන්දෙණිය බණ්ඩාර" අලියා මාර්ග අනතුරකින් බරපතළ තුවාල ලබා ඇත.
මෙම අනතුර සිදුව ඇත්තේ කුරුණෑගල–මැල්සිරිපුර මාර්ගයේ ඔමරගොල්ල ප්රදේශයේදීය.
වාර්තා වන පරිදි, මනම්පිටිය දේවාලයේ වාර්ෂික පෙරහැර සඳහා රන්දෙණිය සිට රැගෙන යමින් තිබූ අලියා ප්රවාහන ලොරි රථයේ යාන්ත්රික දෝෂයක් හේතුවෙන් මාර්ග අයිනේ බස්සන ලද අවස්ථාවේදී, දඹුල්ල සිට කුරුණෑගල බලා වැලි රැගත් ටිපර් රථයක් අධික වේගයෙන් පැමිණ අලියාගේ ගැටී තිබේ.
ගැටීමේ බලපෑමෙන් අලියා මීටර් 50ක් පමණ ඇදගෙන ගොස් ඇති අතර, වනජීවී සංරක්ෂණ දෙපාර්තමේන්තුවේ පශු වෛද්යවරුන් වහාම ස්ථානයට පැමිණ ප්රතිකාර ආරම්භ කළහ.
අනතුර සම්බන්ධයෙන් ටිපර් රථයේ රියදුරු පොලීසිය විසින් අත්අඩංගුවට ගෙන තිබේ.
ශ්රී ලංකාවේ ප්රසිද්ධ අලියෙකු වන රන්දෙණිය බණ්ඩාර තුවාල ලැබීම වනජීවී ආරක්ෂකයන් සහ ජනතාව අතර දැඩි කනස්සල්ලක් ඇති කර ඇති අතර, අලියා ඉක්මනින් සුවය ලැබේවායි ප්රාර්ථනා ද සිදු කෙරෙමින් පවතී.
වනසතුන් ගමන් කරන ප්රදේශවලදී රියදුරන් වැඩි අවධානයෙන් හා වගකීමෙන් රිය පදවන ලෙස වනජීවී ආරක්ෂකයන් යළිත් ඉල්ලා සිටියි.
රන්දෙණිය බණ්ඩාර අලියා අනතුරකින් බරපතළ තුවාලයි
