රාගම පොලිස් වසමේ සිදුකළ වැටලීම් දෙකකදී නීති විරෝධී මත්පැන් ලීටර් 330කට අධික ප්‍රමාණයක් සමඟ සැකකරුවන් දෙදෙනෙකු අත්අඩංගුවට ගෙන තිබේ.

වලාන මධ්‍යම දූෂණ මර්ධන ප්‍රහාරක ඒකකයේ නිලධාරීන් විසින් 2026 ජූලි 23 වන දින සවස රාගම පොලිස් වසමේ පොඩිවීකුඹුර ප්‍රදේශයේදී ලද තොරතුරක් මත සිදුකළ වැටලීමකදී නීති විරෝධී මත්පැන් ලීටර් 262 මිලිලීටර් 500ක් (බෝතල් 350ක්) සමඟ සැකකරුවෙකු අත්අඩංගුවට ගෙන ඇත.

එම සැකකරු 53 හැවිරිදි කඳාන ප්‍රදේශයේ පදිංචිකරුවෙකු වන අතර, ඔහු රාගම පොලිස් ස්ථානය වෙත ඉදිරිපත් කර තිබේ.

මේ අතර, රාගම පොලිස් ස්ථානයේ නිලධාරීන් විසින් එදිනම මහර නුගේගොඩ ප්‍රදේශයේදී සිදුකළ තවත් වැටලීමකදී නීති විරෝධී මත්පැන් ලීටර් 67.5ක් (බෝතල් 90ක්) සමඟ තවත් සැකකරුවෙකු අත්අඩංගුවට ගෙන ඇත.

එම සැකකරු ද 53 හැවිරිදි මහර නුගේගොඩ ප්‍රදේශයේ පදිංචිකරුවෙකි.

සිද්ධීන් සම්බන්ධයෙන් රාගම පොලිසිය වැඩිදුර විමර්ශන සිදු කරමින් පවතී.