අල සහ එළවළු වගාවන් සඳහා නව රක්ෂණ යෝජනා ක්රමයක් කෘෂිකාර්මික හා ගොවිජන රක්ෂණ මණ්ඩලය විසින් හඳුන්වා දී තිබේ.
ඒ අනුව බතල, මඤ්ඤොක්කා, කිරි අල, බීට්, ගෝවා, කැරට්, ලීක්ස්, බටු, බණ්ඩක්කා, බෝංචි, මාළු මිරිස්, තක්කාලි, කරවිල සහ වට්ටක්කා ඇතුළු කෘෂිකර්ම දෙපාර්තමේන්තුව විසින් නිර්දේශිත බෝග මෙම රක්ෂණ යෝජනා ක්රමයට ඇතුළත් වේ.
මූලික රක්ෂිත මුදලින් 7%ක වාරිකයක් ගෙවා මෙම රක්ෂණාවරණය ලබාගත හැකි අතර, ස්වාභාවික ආපදා, පාලනය කළ නොහැකි ශාක රෝග හා කෘමි හානි මෙන්ම වන අලි හානි හේතුවෙන් සිදුවන පාඩු සඳහා වගාකරුවන්ට වන්දි ලබාදීමට නියමිතය.
අවදානම් කළමනාකරණය කිරීම තුළින් ගොවීන් වගාව කෙරෙහි තවදුරටත් රඳවා ගැනීම මෙම රක්ෂණ යෝජනා ක්රමයේ ප්රධාන අරමුණ බව කෘෂිකාර්මික හා ගොවිජන රක්ෂණ මණ්ඩලය සඳහන් කරයි.
