බම්බලපිටිය දුම්රිය ස්ථානය ආසන්නයේදී දුම්රියක ගැටී පුද්ගලයෙකු ජීවිතක්ෂයට පත්ව තිබේ.
2026 ජූලි 19 වන දින සවස අලුත්ගම සිට මරදාන දක්වා ධාවනය වූ දුම්රියක ගැටීමෙන් මෙම අනතුර සිදුව ඇති බවට බම්බලපිටිය පොලිසිය වෙත ලද තොරතුරක් මත විමර්ශන ආරම්භ කර ඇත.
මියගිය පුද්ගලයා වයස අවුරුදු 34ක් වන පිළියන්දල ප්රදේශයේ පදිංචිකරුවෙකු බව පොලිසිය සඳහන් කරයි.
මෘත ශරීරය කොළඹ ජාතික රෝහලේ මෘත ශරීරාගාරයේ තැන්පත් කර ඇති අතර, සිද්ධිය සම්බන්ධයෙන් බම්බලපිටිය පොලිසිය වැඩිදුර විමර්ශන සිදු කරයි.
