වියට්නාමයේ VinSpace සමාගම තමන් විසින් නිෂ්පාදනය කරන ලද ප්රථම චන්ද්රිකා කක්ෂගත කිරීම සඳහා අමෙරිකාවේ SpaceX සමාගම සමඟ ගිවිසුමකට අත්සන් තබා තිබේ.
ගිවිසුමට අනුව, 2027 වසරේ දෙවන කාර්තුවේදී SpaceX හි Falcon 9 රොකට්ටුවක් මගින් ක්රියාත්මක කෙරෙන Transporter Rideshare මෙහෙයුමක් ඔස්සේ මෙම චන්ද්රිකා අභ්යවකාශයට යැවීමට නියමිතය.
චන්ද්රිකා පර්යේෂණ, සංවර්ධනය, නිෂ්පාදනය සහ එකලස් කිරීම මෙන්ම ඒවා කක්ෂගත කිරීමෙන් පසු සිදුකෙරෙන සමස්ත මෙහෙයුම් කටයුතුද VinSpace සමාගම විසින් සිදුකරනු ඇත.
2027 වසරේදී සිදු කිරීමට නියමිත මෙම ප්රථම මෙහෙයුම මගින් තමන් විසින්ම සංවර්ධනය කළ තාක්ෂණයන් අභ්යවකාශයේදී පරීක්ෂා කිරීමටත්, ඉදිරි වාණිජමය අභ්යවකාශ කටයුතු සඳහා පදනම සකස් කිරීමටත් VinSpace සමාගම අපේක්ෂා කරයි.
