තායිලන්තයේ බැංකොක් නගරයට ආසන්න පාසලක සිදුවූ වෙඩි තැබීමකින් පුද්ගලයන් හයදෙනෙකු ජීවිතක්ෂයට පත්ව තවත් පිරිසක් තුවාල ලබා ඇති බව විදෙස් මාධ්ය වාර්තා කරයි.
දේශීය වේලාවෙන් සිකුරාදා පෙරවරු 10ට පමණ බැංකොක් නගරයේ පිටත පිහිටි ඩෙබ්සිරින් නොන්තබුරි පාසල තුළදී මෙම වෙඩි තැබීම සිදුව තිබේ.
වෙඩික්කරු ලෙස සැලකෙන 14 හැවිරිදි සිසුවා පාසල තුළ වෙඩි තැබීම සිදු කිරීමෙන් අනතුරුව තමන්ටම වෙඩි තබාගෙන මියගොස් ඇති බව පොලිසිය සඳහන් කර ඇත.
සිද්ධියෙන් තුවාල ලැබූ පිරිස් ගිලන් රථ මගින් රෝහල් වෙත රැගෙන ගොස් ඇති අතර, සිසුන් පාසලෙන් ඉවත් කිරීමට සහ ආරක්ෂාව තහවුරු කිරීමට ආරක්ෂක අංශ කටයුතු කර තිබේ.
වෙඩි තැබීමට හේතුව මෙතෙක් අනාවරණය වී නොමැති අතර, භාවිත කළ ගිනි අවිය සිසුවාගේ පවුලේ සාමාජිකයෙකු සතු එකක් බවට සැක පළ කරයි.
තායිලන්ත අග්රාමාත්ය අනුටින් චාර්න්විරකුල් සිද්ධිය සම්බන්ධයෙන් ශෝකය පළ කර ඇති අතර, වින්දිතයන් සඳහා අවශ්ය සහාය ලබාදීමට නිලධාරීන්ට උපදෙස් ලබා දී තිබේ.
