ඉන්දියාවේ තරුණ පරපුර විසින් මෙහෙයවනු ලබන ‘කොක්රෝච් ව්යාපාරය’ (Cockroach Movement) ආධාරකරුවන් සිය ගණනක් අද (20) නව දිල්ලි අගනුවරදී පාර්ලිමේන්තුව දෙසට විරෝධතා පාගමනක් ආරම්භ කර තිබේ.
පොලිස් අවසරය නොමැතිව පැවති මෙම විරෝධතාවයේදී, විභාග ප්රශ්න පත්ර කාන්දු වීමේ සිදුවීම් සම්බන්ධයෙන් වගකීම භාරගෙන අධ්යාපන අමාත්ය ධර්මේන්ද්ර ප්රධාන් ඉල්ලා අස්විය යුතු බවට විරෝධතාකරුවන් බලකර සිටියහ.
අග්රාමාත්ය නරේන්ද්ර මෝදිගේ තුන්වැනි ධුර කාලය තුළ රජයට එල්ල වූ විශාලතම මහජන අභියෝගයක් ලෙස මෙම ව්යාපාරය සැලකෙන අතර, සමාජ මාධ්ය ඔස්සේ එය විශාල ජනතා අවධානයක් දිනාගෙන ඇත.
පසුගිය මැයි මාසයේදී සිසුන් මිලියන 2කට අධික පිරිසකට බලපෑ ජාතික වෛද්ය විද්යාල ප්රවේශ විභාගයේ ප්රශ්න පත්ර කාන්දු වීමෙන් පසුව මෙම ව්යාපාරය ආරම්භ වූ බව වාර්තා වේ.
පසුගිය සෙනසුරාදා මාරාන්තික උපවාසයක නිරත වූ ක්රියාකාරිකයකු වන සෝනම් වන්චුක් පොලිසිය විසින් රෝහල්ගත කිරීමත් සමඟ විරෝධතා තත්ත්වය තවදුරටත් උණුසුම් වී තිබේ.
පාර්ලිමේන්තුවේ වර්ෂාකාල සැසිවාරය ආරම්භ වූ අද දිනයේදී විශාල පිරිසක් දිල්ලි නුවර ජන්තර් මන්තර් ප්රදේශයට රැස්ව සිටි අතර, තත්ත්වය පාලනය කිරීම සඳහා කැරලි මර්දන පොලිසිය සහ අර්ධ මිලිටරි බලකායන් යොදවා තිබිණි.
