ඕස්ට්රේලියානු අපනයන මුදල් ආයතනය වෙත ගෙවීමට තිබූ ඇමරිකානු ඩොලර් මිලියන 1.3ක රජයේ ණය වාරිකයක් සම්බන්ධයෙන් සිදුවූ සයිබර් මූල්ය වංචාවක් හේතුවෙන් භාණ්ඩාගාරයෙන් ඇමරිකානු ඩොලර් මිලියන 2.5ක මුදලක් වංචාකරුවන් වෙත ගෙවී ඇති බව රජයේ මුදල් පිළිබඳ පාර්ලිමේන්තු කාරක සභාවේදී අනාවරණය විය.
ඇමරිකා එක්සත් ජනපදය, එක්සත් අරාබි එමීර් රාජ්යය සහ වියට්නාමයේ අනුරූපී බැංකු සැකකටයුතු ගනුදෙනු හේතුවෙන් මුදල් ප්රතික්ෂේප කර ආපසු හරවා එවා තිබියදීත්, වංචනික ඊමේල් උපදෙස් මත අවසානයේ මුදල් වෙනත් ගිණුමකට මාරු කර ඇති බව අනාවරණය විය.
මෙම සිද්ධිය සම්බන්ධයෙන් ශ්රී ලංකා මහබැංකුව, රාජ්ය ණය කළමනාකරණ කාර්යාලය සහ නීතිමය වගකීම් පිළිබඳවද කාරක සභාවේදී දීර්ඝ ලෙස සාකච්ඡා කෙරිණි. මෙවැනි සයිබර් මූල්ය වංචා වැළැක්වීම සඳහා පවතින නීති සංශෝධනය කිරීමේ අවශ්යතාව ද එහිදී අවධාරණය කෙරිණි.
