ශ්රී ලංකා පොදුජන පෙරමුණේ (SLPP) පාර්ලිමේන්තු මන්ත්රී නාමල් රාජපක්ෂ මහතා රක්ෂිත බන්ධනාගාරගත කිරීම විවේචනය කරමින් දේශපාලනඥ විමල් වීරවංශ මහතා කළ ප්රකාශයක් අධිකරණයට අපහාස කිරීමක් වන්නේද යන්න සම්බන්ධයෙන් වහාම විමර්ශනයක් සිදුකරන ලෙස කොළඹ ප්රධාන මහේස්ත්රාත්වරයා පොලිස්පතිවරයාට නියෝග කර තිබේ.
අල්ලස් හෝ දූෂණ චෝදනා විමර්ශන කොමිෂන් සභාව (CIABOC) විසින් කොළඹ මහේස්ත්රාත් අධිකරණයෙන් කළ ඉල්ලීමක් සලකා බැලීමෙන් අනතුරුව මෙම නියෝගය නිකුත් කර ඇත.
එයාර්බස් ගුවන් යානා ගනුදෙනුවට අදාළව නාමල් රාජපක්ෂ මහතාට එරෙහිව ගොනු කර ඇති නඩුව අද (18) කොළඹ ප්රධාන මහේස්ත්රාත් අධිකරණයේදී කැඳවූ අවස්ථාවේදී CIABOC විසින් මෙම ඉල්ලීම ඉදිරිපත් කර තිබේ.
විමල් වීරවංශ මහතාගේ ප්රකාශය අධිකරණයට අපහාසයක්ද යන්න සම්බන්ධයෙන් මෙතෙක් අධිකරණය විසින් අවසන් තීන්දුවක් ලබාදී නොමැත.
