එයාර්බස් ගුවන් යානා මිලදී ගැනීමේ ගනුදෙනුවකට අදාළව රුපියල් මිලියන 100ක අල්ලසක් ලබාගත් බවට එල්ල වී ඇති චෝදනා සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගත් පාර්ලිමේන්තු මන්ත්රී නාමල් රාජපක්ෂ මහතා සැප්තැම්බර් 29 දක්වා තවදුරටත් රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් අසංග එස්. බෝදරගම මහතා අද (18) නියෝග කළේය.
ඒ අනුව, විත්තියේ නීතිඥවරුන්ට සැප්තැම්බර් 22 දින ලිඛිත ඇප අයදුම්පතක් ඉදිරිපත් කරන ලෙස මහේස්ත්රාත්වරයා නියෝග කළ අතර, පැමිණිලිකාර අල්ලස් කොමිසමට සැප්තැම්බර් 25 දිනට පෙර සිය විරෝධතා ඉදිරිපත් කරන ලෙස ද නියෝග කෙරිණි.
නාමල් රාජපක්ෂ මහතා අත්අඩංගුවට ගනු ලැබුවේ ශ්රීලංකන් ගුවන් සේවය සඳහා එයාර්බස් ගුවන් යානා මිලදී ගැනීම සම්බන්ධ ගනුදෙනුවකට අදාළ අල්ලස් චෝදනා පිළිබඳ විමර්ශනයක් සම්බන්ධයෙන් බව අල්ලස් කොමිසම අධිකරණයට දැනුම් දී තිබිණි.
