පාර්ලිමේන්තු මන්ත්රී නාමල් රාජපක්ෂ මහතා අද (16) කොළඹ කොටුව මහේස්ත්රාත් අධිකරණය හමුවේ පෙනී සිටීමට නියමිතව තිබීම හේතුවෙන් අධිකරණ පරිශ්රය සහ ඒ අවට ප්රදේශයේ ආරක්ෂාව තර කිරීමට පොලිසිය පියවර ගෙන ඇති බව වාර්තා වේ.
ශ්රීලංකන් ගුවන් සේවය සඳහා ගුවන් යානා මිලදී ගැනීමේ ක්රියාවලියට අදාළව සිදුවූ බව කියන මූල්ය අක්රමිකතා සම්බන්ධයෙන් අපරාධ පරීක්ෂණ දෙපාර්තමේන්තුව විසින් මුදල් විශුද්ධිකරණ චෝදනා යටතේ මෙම නඩුව පවරා තිබේ.
නීතිපතිවරයාගේ උපදෙස් මත නාමල් රාජපක්ෂ මහතා මෙම නඩුවේ සැකකරුවකු ලෙස නම් කර ඇති අතර, සැප්තැම්බර් 16 වැනිදා අධිකරණයට ඉදිරිපත් කරන ලෙස කොටුව මහේස්ත්රාත්වරයා මීට පෙර නියෝග කර තිබිණි.
එයාර්බස් ගුවන් යානා ගනුදෙනුවට අදාළව රුපියල් මිලියන 100ක පමණ අල්ලසක් ලබාගත් බවට එල්ල වී ඇති චෝදනා සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් නාමල් රාජපක්ෂ මහතා සැප්තැම්බර් 4 වැනිදා අත්අඩංගුවට ගෙන තිබේ.
අත්අඩංගුවට ගැනීමෙන් අනතුරුව ඔහු සැප්තැම්බර් 18 වැනිදා දක්වා රක්ෂිත බන්ධනාගාරගත කිරීමට අධිකරණය නියෝග කර තිබේ.
