ඉන්දියාව විසින් ශ්රී ලංකාවට ලබාදෙන ආධාරවල තවත් පියවරක් ලෙස, මෙට්රික් ටොන් 250කට වැඩි බරකින් යුත් බේලි පාලම් තොගයක් ශ්රී ලංකාවට භාරදී තිබේ.
ශ්රී ලංකාවේ ඉන්දීය මහකොමසාරිස් කාර්යාලය සඳහන් කළේ, මෙම පාලම් තොගය ‘දිට්වා’ සුළිකුණාටුවෙන් පසුව ක්රියාත්මක කළ ඇමරිකානු ඩොලර් මිලියන 450ක ඉන්දීය ප්රතිසංස්කරණ සහන පැකේජයේ කොටසක් බවයි.
දිවයින පුරා තෝරාගත් ස්ථානවල මෙම බේලි පාලම් සවිකිරීම ඉන්දීය යුද හමුදා ඉංජිනේරුවන් විසින් සිදුකිරීමට නියමිතය.
එමගින් සුළිකුණාටුවෙන් බලපෑමට ලක් වූ ප්රදේශවල අත්යවශ්ය ගමනාගමන සම්බන්ධතා යළි ස්ථාපිත කිරීමට මෙන්ම ශ්රී ලංකාවේ යටිතල පහසුකම් තවදුරටත් ශක්තිමත් කිරීමට සහාය වනු ඇත.
